Израелската војска откри таен тунел, кој водел од појасот Газа до еден кибуц, во кога, во тој момент се криеле 13 исламистички терористи, подготвени да навлезат на израелската територија.
Тунелот бил откриен случајно, откако се урнал, како последица на бомбардирањето на израелската авијација.
Според објаснувањето на израелската војска, терористите се подготвувале да извршат терористички напад од „големи размери“ врз кибуцот, со можни тешки последици и бројни човечки жртви.
Во престрелката што се развила по откривањето на тунелот, е убиен еден од терористите, додека другите успеале да побегнат во Газа-изјави портпаролот на израелската војска, потполковник Питер Лернер.
Засега ниту Хамас,ниту припадниците на некоја од исламистичките, милитантни групи, ја презедоа одговорнста за подготвениот напад внатре во израелската територија.
Инцидентот со тунелот, се случи само неколку часови пред започнувањето на петчасовниот „хунаитарен прекин на огнот“ на кој се согласија Израел и Хамас, на сугестија на ОН.
Прекинот на огнот започна во 10 часот, по локално време, а во текот на ноќта израелската авијација нападна 37 цели за кои се тврди дека им припаќаат на Хамас и на неговите борци.
Во Ерусалим денеска е потврдено дека израелски претставници патуваат за Каиро, за да учествуваат во разговорите за условите за прекин на огнот во Газа.