Израелскиот премиер Бенјамин Нетанјаху нареди мобилизација на граничната полиција и резервистите на израелската армија во врска со терористичкиот напад во Тел Авив.
Овој потег на Нетанјаху го продолжува стравот од можна ескалација на настаните, пишува „Тајмс оф Израел“. Полицијата во Тел Авив уби вооружен маж кој уби еден човек, а повреди неколку други пукајќи од пиштол и влетувајќи со својот автомобил во пешаци.
Убиената жртва е Италијанец, на возраст од околу 30 години, а сите повредени во нападот се туристи, соопшти израелската здравствена служба Маген Дејвид Адом (МДА).
Напаѓачот, како што се наведува, е државјанин на Израел со арапско потекло, додава „Тајмс оф Израел“.
Убиецот возел по шеталиштето во Тел Авив и почнал да пука во цивили кои се наоѓале во близина, пренесува „Џерусалим пост“.
Тој се обидел да ги прегази и околните пешаци, а автомобилот му се превртел. Израелската полиција соопшти дека го „неутрализирала“ напаѓачот.