Портпаролот на израелските одбранбени сили (ИДФ) Даниел Хагари призна дека неколку ирански балистички ракети ги погодиле воздушните бази Неватим и Тел Ноф за време на нападот во вторникот вечерта.
„Како резултат на нашите (воздушни) одбранбени капацитети и одговорното однесување на јавноста, нема повредени. Имаше неколку напади во центарот, во цивилни области, а имаше и во воздушните бази, во Неватим и Тел Ноф “, рече Хагари, како што пренесува Тајмс оф Израел.
Во нападите не беа погодени авиони, а воздушните бази Неватим и Тел Ноф се целосно функционални, додаде тој.