Снежнa бурa рано изутрината ги зафатија Израел, Јордан и Либан, по што уследија апели до граѓаните да останат во своите домови бидејќи заледените улици се блокирани.
Во Ерусалим паднаа 25 сантиметри снег, по што училиштата се затворени, а локалните автобуси не моажт да сoобраќаат по вообичаениот распоред. Двата главни автопати кои водат до Ерусалим се затворени во двата правци.
– Многу снег падна во Ерусалим, до сега околу 25 сантиметри и ќе продолжи да паѓа и во текот на денот, соопшти метереологот, Ринат Рехамин од Израелскиот Метереолошки сервис.
Снегот исто така, го прекри Западниот Брег и палестинските власти им советуваа на луѓето да не возат, па дури и да не излегуваат од своите домови доколку тоа не е неопходно.
Војската е во состојба на готовност за да и помогне на цивилите во најзафрлените предели.
Во соседен Јордан повеќето патишта се блокирани, вклучувајќи ги и оние во престолнината Аман. И таму важи пепораката населението да не излегува од своите домови.
Во Либан паѓаше снег во деловите на земјата кои се на надморска височина над 200 метри, а во Бејрут врнеше град.