Советот на Обединетите нации за човекови права денеска го одложи спроведувањето на планираниот „прoверка на човекови права“ во Израел, откако земјата објави дека ќе го бојкотира собирот поради неговата необјективност.
Советот на ОН со седиште во Женева, одлучи да ја одложи седницата до ноември, и побара од претседателот Ремигиуш Хенцел да преземе соодветни чекори во рамките на својот мандат и да апелира до земјата да ја обнови соработката.
Досега се нема случено една земја да преземе ваква акција. Сепак, реакцијата на Израел е очекувана поради критиките на Советот. Одлуката донесена минатата година за спроведување истрага на еврејските населби на Западниот брег е главната причина Израел да ја прекине соработката.
– По серија гласања, соопштенија и инциденти донесовме одлука да ги суспендираме работните односи со ова тело, изјави портпаролот на израелското Министерство за надворешни работи Јигал Палмор.