Израел е задоволен од компромисната спогодба меѓу Конгресот на САД и Владата на претседателот Барак Обама во врска со нуклеарниот договор со Иран.
Претседателот Обама се согласи да го потпише предлог-законот со кој на Конгресот му се дава право да отфрли каква било нуклеарна спогодба со Иран.
Израелскиот министер за разузнавање Јувал Штајни изјави преку државното радио дека постигнатата согодба е „достигнување на израелската надворешна политика“.
– Говорот на премиерот Бенјамин Нетанјаху пред Конгресот на САД беше решавачки за изработка на тој нацрт-закон, кој е исклучително важен за спречување на постигнување на лош договор, додаде Штајни.