Израелските воздушни сили вчера бомбардираа цели во Појасот Газа, откако една ракета е истрелана од палестинска територија кон Израел.
Ракетата е пресретната од противракетниот систем „Железна купола“, додека во нападите во Газа нема жртви. Израелската војска објави дека се нападнати четири цели на терористи.
Според палестинските медиуми, израелската армија нападнала места за обука на милитантен Хамас, кој владее со Појасот Газа.
Израелските медиуми наведуваат дека одговорноста за нападот со ракети од типот „град“ ја презела група поврзана со „Исламска држава“.