А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
InstagramTelegram
А1он
Од: А1он
Свет

Итна реакција на НАТО по влезот на руските воени авиони во Естонија

by А1он19/09/2025 - 19:301732
Share0

Високата претставничка на Европската Унија за надворешна политика и безбедност, Каја Калас, денес изјави дека нарушувањето на естонскиот воздушен простор од страна на руски воени авиони е исклучително опасна провокација.

Следете a1on на Instagram Instagram

„Ова е трето такво нарушување на воздушниот простор на ЕУ во последните неколку дена и дополнително ги зголемува тензиите во регионот“, напиша Калас на платформата X.

Според неа, ЕУ изразува целосна солидарност со Естонија.

„Јас сум во постојан контакт со естонската влада. Ќе продолжиме да ги поддржуваме нашите земји-членки во зајакнувањето на нивната одбрана со користење на европските ресурси. Путин ја тестира решителноста на Западот. Не смееме да покажеме слабост“, истакна Калас.

Следете a1on на Youtube YouTube

Како што објави порталот Err.ee претходно денес, три руски борбени авиони МИГ-31 влегоа во естонскиот воздушен простор во областа на островот Виндло без дозвола и останаа во естонскиот воздушен простор речиси 12 минути.

Министерството за надворешни работи на Естонија го покани вршителот на должноста амбасадор на Руската Федерација во Талин за да изрази протест и да достави нота во врска со нарушувањето на воздушниот простор на земјата.

Порано овој месец, Естонија веќе побара состанок со рускиот вршител на должноста амбасадор во Талин за да изрази протест откако руски хеликоптер МИ-8 го наруши естонскиот воздушен простор во близина на островот Виндло.

НАТО реагираше веднаш и ги пресретна руските авиони што го нарушија естонскиот воздушен простор, изјави портпаролката на Алијансата, Алисон Харт, денес на платформата X.

„Ова е уште еден пример за неодговорното однесување на Русија и способноста на НАТО да одговори“, напиша Харт.

Како што објави порталот Err.ee претходно денес, три руски борбени авиони МИГ-31 влегоа во естонскиот воздушен простор во областа на островот Виндло без дозвола и останаа во естонскиот воздушен простор речиси 12 минути.

Според извештаите, авионите немале планови за лет, а нивните транспондери биле исклучени.

Во времето на прекршувањето, авионите немале и двонасочна радио комуникација со естонските служби за воздушен сообраќај.

Министерството за надворешни работи на Естонија го покани вршителот на должноста амбасадор на Руската Федерација во Талин за да го изрази својот протест и да му предаде нота во врска со прекршувањето на воздушниот простор на земјата.

„Русија веќе четири пати го наруши естонскиот воздушен простор оваа година, што само по себе е неприфатливо, но денешното нарушување, за време на кое три борбени авиони влегоа во нашиот воздушен простор, е невидено брутално“, рече естонскиот министер за надворешни работи Маргус Цакна.

Како што рече, зголеменото гранично тестирање и агресија на Русија мора да се соочат со брзорастечки политички и економски притисок.

estonijamig 31natorusijasvet

Би можело да ве интересира

Полјански: Европа ги игнорира преговорите за Украина и се држи до старите позиции

Горан Наумовски14/11/2026 - 20:35

Зеленски алармира: Русија сака преку евакуација на цивили да го отвори патот кон нови градови

Горан Наумовски14/11/2026 - 19:02

Финска го отфрли наводното руско барање за напуштање на НАТО

Горан Наумовски14/11/2026 - 18:07

Москва не се откажува од барањата од 2021 година: НАТО да се врати на границите од 1997 година

Горан Наумовски14/11/2026 - 15:44

Европа договори преговарачки тим за Украина: Пет земји и институциите на ЕУ ќе разговараат со Русија и САД

Предраг Петровиќ13/11/2026 - 20:36

(ВИДЕО) Путин: За Русија постои само една линија на разграничување со Украина – државната граница

Горан Наумовски12/11/2026 - 14:36
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
InstagramTelegram
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео