Локалните власти на италијанскиот остров Џилио поднесоа приватна тужба против капетанот на луксузниот брод „Коста Конкордија“ со барање за отштета од 80 милиони евра.
Капетанот на бродот Франческо Скетино е обвинет од италијанското Јавно обвинителство за ненамерно убиство на повеќе десетици лица и за предвремено напуштање на командното место. Неговото судење почна вчера во местото Гросето во провинцијата Тоскана.
Сепак, властите од островот покренаа своја граѓанска парница, обвинувајќи го капетанот-страшливец за „непоправливо оштетување на идентитетот“ на островот, за „нанесување штети на локалната туристичка индустрија“, како и за „уништување на имиџот на Џилио“.
Во поморската несреќа од јануари 2011 година загинаа 32 лица, а стотина други беа полесно и посериозно повредени. Несреќата се случи откако капетанот на „Коста Конкордија“ го одвел големиот брод во плитките крајбрежни води околу островот, налетувајки на острите подводни карпи.
Големиот брод со 4.200 патници и членови на екипажот се насука на карпите и се преврте на едната страна, без да потоне.
Островјаните се гневни на капетанот Скетино тврдејки дека „засекогаш им го уништил островот“, затоа што местото сега е познато „само по катастрофата, по превртениот брод и по еден капетан-страшливец кој побегна од капетанското место пред да бида евакуираат сите лица од бродот“.