Некои би рекле дека правдата секогаш стигнува, иако некогаш бавно, но во овој случај била навистина бавна. На италијанската полиција и биле потребни цели 28 години за да пронајде украден скутер.
Во саботата, карабиниерите од провинцијата Ферари, јужно од Венеција, пронашле веспа „пјаџо 50“, која му била украдена на тинејџер во далечната 1991. година, јави новинската агенција „Анаса“.
За примање на украден имот е обвинет бизнисмен на возраст од 44 години, стар приближно колку и ограбениот човек.
Полицијата го пронашла скутерот, совршено сочуван, кога мажот се обидел да го регистрира мопедот што го купил за својот 16-годишен син, пренесува агенцијата.
Во извештајот се вели дека во рамки на истрагата запленети се и два мотора за мотоцикли, за кои се верува дека се делови од возила украдени во Неапол во 1995. и 1999. година.