Важноста на слободата и плурализмот во медиумите беа во фокусот на говорот на генералниот директор на УНЕСКО Ирина Бокова во видео обраќањето кон учесниците на Светскиот конгрес на информативните агенции, којшто беше отворен денеска во Баку, главниот град на Азербејџан.
– Квалитетното новинарство денес е исклучително важно како никогаш досега. Ние веруваме дека средствата за масовно информирање имаат главна улога во гарантирањето на слободата и правата на човекот, нагласи Бокова, јави ТАСС.
На отворањето на Конгресот говор одржа и претседателот на Азербејџан, Илхам Алиев, кој ја подвлече важната ролја на медиумите во развојот на меѓународната соработка.
– Ако ние им дозволиме на политичарите повеќе простор во медиумите како поткрепа на универзалните вредности, тоа ќе доведе до намалување на затегнатоста во светот и до поголемо заемно разбирање, рече лидерот на Азербејџан.
На Конгресот со наслов „Нови предизвици за информативните агенции”, учествуваат претставници на околу 100 водечки информациски агенции во светот, меѓу кои и Асошиејтед прес, Ројтерс, Франс прес, ТАСС.
Македонската информативна агенција исто така има свои претставници на Конгресот.