Би-Би-Си соопшти дека поднела жалба до ОН поради тоа што иранските власти го замрзнале имотот на повеќе од 150 лица поврзани со нејзиниот сервис на фарси јазик.
Според Би-Би-Си, замрзнувањето на имотот се случило во рамките на мерките што ги спроведуваат иранските власти против актуелни и поранешни соработници на медиумот, како и специјални дописници, под обвинение за „заговор против националната безбедност дома и во странство“.
Под истрага се и Иранци кои имаат двојни државјнства од Австралија, Австрија, Канада, Франција, Германија, Велика Британија и САД.
Би-Би-СИ нагласи дека со овој потег Иран најгрубо ги прекршува човековите права.
Мисијата на Иран во ОН не го коментирала случајот, а иранските државни медиуми не јавија за жалбата на Би-Би-Си.