Иранска армија првпат тестираше самоубиствен дрон во рамки на масивната воена вежба што се изведува во близина на стратешки важниот Ормуски теснец, на влезот во Персискиот залив.
Командантот на копнените сили на иранската армија, генерал Ахмад Реза Пурдастан, изјави дека беспилотното летало е „мобилна бомба“, информираа иранските медиуми.
Дронот, наречен Јасир, според пишувањето на еден ирански весник, е дизајниран да удри во цел во воздух и на земја, како и во бродови, пренесоа американските медиуми.
Шестдневната воена вежба се одвива на подрачје од над 527.000 квадратни километри во северниот дел на Индискиот Океан, Оманското Море и источниот дел на Персискиот залив, низ кој минува петина од светската нафта.