Иранската нуклеарна програма беше цел на нов сајбер напад

Од:

Иранската нуклеарна програма била погодена од нов компјутерски вирус, што прекинал важни активности во два објекта и неконтролирано пуштал гласна музика на рок групата Еј Си/ Ди Си, соопштија агенциите, повикувајќи се на сајтот за интернет безбедност Еф Секјурити.

Сајтот за нападот дознал од научник, вработен во Организацијата за атомска енергија на Иран.

„Ви пушувам за да ве информирам дека нашата нуклеарна програма повторно беше нападната од нов црв, кој ја прекина нашата мрежа за автоматизација во Натанц и другиот објект во Фордо, во близина на Кум“, изјавил научникот во мејл, испратен до Еф Секјурити.

Според него, хакерите ја употребиле програмата Метасплоит и добиле пристап до виртуалната приватна мрежа на објектите. Како резултат на нападот запрела мрежата за автоматизација и компјутерска апаратура.

„Имаше и некаква музика, што произволно се пушташе во текот на ноќта во неколку од работните станици на објектот, а звукот беше на максимум. Мислам дека се пушташе песната „Тандерстрајк“ на Еј Си/Ди Си“, изјави научникот.

Иранската нуклеарна програма често пати е цел на кибер напади, за кои Техеран ги обвинува Израел и САД, посочуваат агенциите.

Би можело да ве интересира

Рохани го повика Бајден САД да се врати на нуклаерниот договор

Ана Ололовска

Иранската морнарица за време на воена вежба забележала неидентификувана подморница

Ана Ололовска

Иран почна воени вежби во Омански Залив

Ана Ололовска

Иран бара од Интерпол да распише црвена потерница по Доналд Трамп

Жарко Настоски

Кина повика на воздржаност во врска со нуклеарната програма на Иран

Жарко Настоски

Иранска Организација за атомска енергија: Иран почна со производство на збогатен ураниум до 20 отсто

Ана Ололовска

Leave a Comment

20 + eighteen =