Врховниот лидер на Иран, ајатолахот Али Хамнеи, е жив и командува со иранската армија, изјави неименуван извор за новинската агенција Тасним.
Информиран извор изјави дека Врховниот лидер на Исламската револуција е во оперативниот центар (воена соба) и дека тој лично командува со операциите, според агенцијата.
Порано, израелскиот премиер Бенјамин Нетанјаху изјави дека постојат многу знаци што укажуваат дека Врховниот лидер на Иран, ајатолахот Али Хамнеи, „веќе го нема“, но не ја потврди експлицитно неговата смрт.
Нетанјаху рече дека станбениот комплекс на Хамнеи во Техеран бил уништен во израелски напад порано денес, објави „Тајмс оф Израел“.
Денес, Ројтерс ги објави тврдењата на висок израелски функционер дека врховниот лидер на Иран, ајатолахот Али Хамнеи, бил убиен во заеднички воздушни напади на Соединетите Американски Држави и Израел врз неговиот комплекс во Техеран.