Иран денеска тестирал торпедо од типот „Хут“ со голема брзина во близина на Ормунскиот Проток, соопштија ирански високи воени претставници, но не нагласија дали тестирањето било успешно.
„Хут“ е се уште во фаза на тестирање, но кога ќе биде целосно оперативен треба да се движи со брзина од околу 400 километри на час и да има дострел до шест наутички милји (речиси 11 километри).
Иранските воени претставници истакнаа дека торпедото не претставува закана за американските бродови кои моментно се наоѓаат во Персискиот Залив.
Иран последен пат тестираше такво торпедо во февруари 2015 година.