Командатот на Иранската револуционерна гарда тврди дека Иран има беспилотни летала со дострел од 7.000 километри.
Генерал мајор Хошеин Салами додаде, според она што го објави иранската агенција Фарс, дека тие дронови се големи и можат да слетаат насекаде. Таа изјава од Иран доаѓа во време кога се водат преговори со шест светски сили за заживување на нуклеарниот договор од 2015 година, од кој се повлече поранешниот американски претседател Доналд Трамп пред три години и повторно воведе санкции за Техеран.
Западните воени аналитичари велат дека Иран понекогаш ги преувеличува своите можности, при што беспилотните летала се важен елемент за следење на границите на Иран, особено во водите на Заливот (Хормушки теснец), низ кои поминува една петтина од светското снабдување со нафта.
Иран и регионалните сили кои ја поддржуваат земјата во последните години се повеќе се потпираат на беспилотни летала во Јемен, Сирија и Ирак.
Американскиот претседател Џо Бајден се обидува да го оживее и на крајот да го прошири нуклеарниот договор за дополнително ограничување на иранската нуклеарна и ракетна програма и ограничување на неговите активности.
Техеран отфрли можност за преговори за своите балистички ракети и неговата улога на Блискиот исток.