Иран им помагал на Курдите во Ирак во операцијата против терористите од групацијата „Исламска држава“, изјави иранскиот министер за внатрешни работи Абдулреза Рахмани Фазли.
Според него регионалните власти во Ирачки Курдистан официјално побарале од Иран помош, вклучувајќи и обука на курдските воени формации.
– Стратегијата на Иран е дека е неопходно терористите да бидат протерани од ирачките провинции, кои успеале да ги заземат, изјави Фазли.
– Во некои случаи Техеран изразувал стравувања дека криминалци може да ги заземат светите места во муслиманските градови во Ирак, нагласи тој.
Според него претседателот на Исламската Република, Хасан Рохани ја означил таа можност како еден вид на црвена линија, чие прекинување ги отстранува сите ограничувања на евентуалните ирански операции за заштита на муслиманските светилишта.