Иран започна ноќни напади врз Јордан, Кувајт и Бахреин како одговор на најновите американски напади врз Исламската Република.
Јордан пресретна 10 ирански ракети ноќеска во најновиот напад во регионот на Персискиот Залив, соопшти јорданската војска, објави Скај њуз.
Во соопштението се вели дека нема жртви или материјална штета.
Војската на Кувајт претходно издаде две предупредувања за беспилотни летала, а сирените се огласија во Бахреин. Саудиска Арабија, исто така, го издаде своето прво предупредување за потенцијална закана во последните неколку недели синоќа, без да прецизира за што станува збор, но подоцна соопшти дека заканата поминала.
