Силна експлозија ја потресе воената компанија „Парчин“, која што се наоѓа на околу 30 километри од Техеран, а за која аналитичарите сметаат дека е место на кое државата развива нуклеарна програма.
Во експлозијата настрадаа двајца работници, а оштетени се и прозорци на згради на одалеченост од 15 километри.
Според пишувањето на „ИСНА“ експлозијата се случила во погон за производство на експлозивни материјали.
Агенцијата за контрола на нуклеарно вооружување при ОН, ИАЕА верува дека пред десетина години тука е изведено прво тестирање на експлозив, поврзан со развој на нуклеарно оружје во Иран.
Иако Иран тврди дека развива само цивилна нуклеарна технологија, од 2005 година им е забранет пристап на инспектори на ОН, во „Парчин“.
Е. Г.