Техеран е близу до постигнување спогодба со Западот за неговата нуклеарна програма, иако останува да се доработат некои детали, изјави вчера иранскиот министер за надворешни рабноти Мохамед Џавад Зариф во интервју за американската телевизија Ен-Би-Си.
– Ние сме подготвени да работиме деноноќно за да постигнеме спогодба. Сметаме дека сме мошне блиски до тоа, иако може да се каже дека се наоѓаме мошне далеку, посочи Зариф.
Тој додаде дека има некои детали кои треба да се разработат.
– Ние сме мошне блиску, доколку биде донесено политичко решение за тоа прашање, доколку биде кажано „да“, како што се изрази претседателот на САД, Барак Обама, прецизираше иранскиот министер за надворешни работи.