На само три дена пред објавувањето на конечните резултати од претседателките избори во Индонезија, кандидатот на коалицијата „Гериндра’’ Прабово Субианто изјавува дека нема да го прифати, веќе очигледниот, пораз и дека собира нови докази со кој пред Уставниот суд ќе докажува дека неговиот противник Јоко Видодо изборите ги добил „со трикови и лажирање’’.
Прабово особено остро ги напаѓа противкандидатот Видодо во серија интервјуа за странски весници и телевизии. Вчера тој во интервју на Би Би Си го нарече поранешниот градоначалник на Џакарта Видодо марионета во рацете на индонезиската олигархија. Оваа и слични квалификации за навистина популарниот Јоко Видодо предизвика гнев кај најпознатата индонезиска колумнистка Џени Јусуф која денеска објави дека е запрепастена од изјавите на Прабово Субианто и дека тој, ако е џентмен, треба да се засрами и да се извини.
Меѓутоа, Прабово и по оваа порака не отсапува од идејата да не го признае поразот и да „тера правда до крај’’.
Ваквата позиција на Прабово не ја поддржуваат ни лидерите на две помали, промуслимански, партии од неговата изборна коалиција. Тие укажуваат дека Прабово треба да го признае поразот, а не да предизвикува ситуација во која тој и неговите поддржувачи ќе прават нереди.
Ако затреба, мирот ма улиците, но и политичката стабилност на 250 милионската Индонезија ќе го оддржуваат веќе бројно зајакнати полициски снаги, а ако е неопходно и армијата.