Пороен дожд и густа магла го отежнуваат извлекувањето на телата на жртвите во авионската несреќа во индонезиската покраина Папуа, јавуваат локалните власти, пренесува БТА.
Авионот на „Тригана Ер“ со 49 патници и петмина членови на екипажот се урна во неделата во планинското подрачје Пегунунуган Бинтанга. Во несреќата животот го загубија сите 54 лица во авионот.
Спасувачките екипи првично планираа телата на жртвите да ги пренесат со хеликоптер, но поради лошите временски услови тие се носат пеш по тешкиот планински терен.
Авионот летал од Џајапура, главниот град на источната покраина Папуа кон Оксибил. Тој се загубил од радарот десетина минути пред пристигнување во Оксибил. Ова е трета авионска несреќа во една година во Индонезија.