По повод светскиот ден на океаните, илјадници волонтери денеска собираа ѓубре од карпите и плажите по должината на брегот на шпанската провинција Баскија, а нуркачите вадеа ѓубре од морето.
Волонтерите внимателно го прегледуваа песокот отстранувајки пластични предмети, шишиња и метални отпадоци. Нуркачите извадија количка за пазарење и велосипед од морето.
Природниот резерват Урдаибаи во Бискајскиот залив, на северот на Шпанија, е едно од најважните мочуришта на Пиринејски полуостров и живеалиште на многу птици преселници. Под заштита на Унеско е од 1984 година.