Неколкумина илегални имигранти загинаа, а околу 200 се спасени денеска при потонување на бродот со кој тие патувале, јужно од италијанскиот остров Лампедуза.
Според италијанските медиуми, спасувачките чамци на крајбрежната стража веќе извадиле неколку тела од морето.
Спасувачката операција се уште трае и засега не е познат точниот број на загинатите.
Телевизискиот канал „Скај Ти-Џи 24“ објави дека на бродот се наоѓале околу 400 лица.