ИДИЛ тврди дека кај Тикрит заробила 4.500 ирачки војници

Од:

Џихадистичката група Исламска држава во Ирак и Левантот на својот налог на Твитер објави дека во провинцијата Салах ал Дин, северно од престолнината Багдад, заробила 4.500 ирачки војници, јави ДПА.

Во видео материјали објавени на ЈуТјуб од страна на приврзаници на ИДИЛ, чија автентичност засега не може да се потврди, се гледаат како колони од невооружени мажи во цивилна облека одат по автопатот. Гласови зад камерата велат дека тоа се војниците кои се предале во армиската база што се наоѓа на 15 километри од Тикрит.

Бунтовниците, воедно тврдат и дека ја опколиле најголемата нафтена рафинерија во Ирак во северниот град Бајџи.

Сунитските екстремисти во вторникот се доближија до Бајџи, а вчера упаднаа во градот, но подоцна се повлекоа во околните села, откако постигнаа договор со старешините на локалните племиња.

Очевидец, кој живее во куќа во близина на рафинеријата, за германската агенција изјави дека бунтовниците пристигнале со над 50 автомобили.

Претходно денеска властите соопштија дека ја контролираат рафинеријата.

Би можело да ве интересира

Во Иран денеска има најголем број новозаразени од почетокот на пандемијата

Жарко Настоски

Двајца загинати во немирите во Иран поради водата

Ана Ололовска

Земјотрес со јачина од 5,7 степени го потресе јужен Иран

Ирански разузнавачи обвинети за заговор за киднапирање на новинарка од Њујорк

Јанша направи дипломатски гаф околу Иран, ЕУ се оградува

Жарко Настоски

САД побараа од Иран да престане со провокации

Ана Ололовска

Leave a Comment

five × five =