Двајца палестински напаѓачи, кои беа убиени во текот на ноќта меѓу понеделникот и вторникот во близина на градот Џенин на Западниот Брег, се меѓу напаѓачите кои извршија терористички напад во селото Ал-Фундук на почетокот на јануари, соопшти израелската војска.
Хамас ја презеде одговорноста за нападот на 6 јануари, потврдувајќи дека Кутаиба ал Шалаби и Мохамед Назал, кои беа убиени, учествуваа во нападот во кој загинаа тројца Израелци, објави Тајмс оф Израел.
Израелската војска (ИДФ) соопшти дека членовите на единицата Дувдеван, агенти на Шин Бет и други војници ја опколиле зградата во Вади Буркин и користеле специјална тактика за да ги принудат терористите да излезат.