Хотелот Ла Хациенда кој што се наоѓал покрај брекот на реката Сикра во градот Лиркај во Перу, целосо се сруши во надојдената река, по обилните дождови кои го зафатија регионот.
Целиот регион е погоден од силно невреме, а поројните дождови и надојдената река ги поткопале темелите на овој хотел на три спрата.
За среќа сите луѓе од хотелот биле евакуирани, па нема повредени, а од менаџментот на хотелот ги критикуваат властите за немањето на начин на одбрана против поплавите.
Овој хотел не е единствена градба која што е оштетена или уништена во регионот, а затворени се и многу патишта поради одрони.
Според Националната метеролошка станица на Перу, дождовите ќе продолжат до Април и ќе ги зафатат централните и јужните делови од земјата.