Холандија до 7 април го прекина во целост вакцинирањето со „Астра Зенека“

Од:

Холандија денеска соопшти дека привремено, до 7 април, ја прекинува употребата на вакцините на „Астра Зенека“ против коронавирусот.

Министерството за здравство вчера соопшти дека привремено ја прекинува вакцинацијата на лицата на возраст до 60 години, но по консултации со здравствената служба денеска одлучи да ја прекине вакцинацијата за сите возрасни групи со оваа вакцина, пренесе Хина.

Во следните денови околу 700 лица, постари од 60 години, требаше да ја примат вакцината „Астра Зенека“, но нивната вакцинација, исто така, е привремено откажана.

По вакцинацијата со оваа вакцина се појави пет случаи на згрутчување на крвта, кај жени на возраст од 25 до 65 години, а едно лице дури и умре. Во тек се истраги за утврдување дали случаите биле предизвикани од вакцинација, соопштија здравствените власти.

Во Холандија досега со вакцините на „Астра Зенека“ се имунизирани околу 400.000 лица.

Би можело да ве интересира

Скоро две третини од Русите ја одбиваат вакцината „Спутник В“

Жарко Настоски

Медицински сестри вакцинирале со празни шприцови, перуанските власти отворија истрага

Жарко Настоски

Д-р Кунгуловски: Најдобра вакцина е првата што ќе ни биде достапна

Жарко Настоски

Нови регионални пунктови за вакцинација се отвораат во Струмица, Прилеп и Велес

Жарко Настоски

Студентите во Њујорк ќе мораат да се вакцинираат ако сакаат да следат предавања

Жарко Настоски

До крајот на јуни Грција планира да бидат вакцинирани жителите на сите острови

Ана Ололовска