Шиитската групација Хезболах ги осуди вчера и ги нарече „неправедна агрсија“ воздушните напади во Јемен, предводени од Саудиска Арабија.
Хезболах ги повика Саудиска Арабија и нејзините сојузници итно и безусловно да ги спречат нападите.
– Оваа авантура, на која и недостига рационалност и која нема законска основа, предводена од Саудиска Арабија, ќе ги зајакне тензиите во регионот и крие во себе закани за неговата иднина и опстанок, се наведува во соопштението на Хезболах.
– Оваа агресија е во интерес на САД и е голема услуга за ционистичкиот непријател, се додава во соопштението.