Американскиот секретар за одбрана Чак Хејгел побара денеска во Брисел од сојузниците во НАТО да ги зголемат буџетите за одбрана како одговор на кризата во Украина, истакнувајќи дека намалувањето на воените трошоци може да претставува опасност за иднината на Алијансата како што е кој било непријател.
Хејгел ги повика сојузниците да ги преиспитаат своите армии дали се обучени, опремени и структурирани да може да се соочат со нови безбедносни предизвици.
Тој истакна дека НАТО треба да очекува Русија да продолжи да ја тестира својата одлучност иако ги повлече своите трупи од украинската граница.