Американскиот министер за одбрана Чак Хејгел денеска изјави дека вооружените сили на САД се подготвени за акција, ако претседателот Барак Обама даде наредба за напад врз Сирија.
Морнарицата на САД има четири бродови во источниот дел на Средоземното Море и Сирија е во нивниот опсег. САД имаат распоредено и воени авиони во регионот.
Хејгел во интервју за телевизијата Би-Би-Си за време на посетата на Брунеи изјави дека американските разузнавачки служби наскоро ќе стигнат до докази дека нападите со хемиско оружје во близина на Дамаск ги извршиле силите на Асад.
Според него станува збор за „многу сериозни разузнавачки информации“.