Вршителот на должноста шеф на палестинската милитантна група Хамас во Газа, Калил ал Хаја денеска изјави дека нема да има договор со Израел за размена на заложници за палестински затвореници додека не заврши војната во палестинската енклава.
Ал Хаја во интервју за телевизијата Ал Акса рече дека Хамас не сака да ја изгуби предноста што ја има во држење заложници додека не заврши конфликтот со Израел.
Тој го обвини израелскиот премиер Бенјамин Нетанјаху за недостатокот на напредок во преговорите за примирје во Газа со посредство на Катар, Египет и САД, објави Ројтерс.
„Во тек се контакти со некои земји и посредници за заживување на преговорите. Подготвени сме да ги продолжиме тие напори, но поважно е да видиме дали постои вистинска волја од страна на окупаторите да се стави крај на агресијата“, рече Ал Хаја. .
Тој го предводеше преговарачкиот тим на Хамас во разговорите со посредниците.