Хамас ги отфрли новите услови на Израел во предлогот на американските, катарските и египетските посредници по дводневните преговори во Доха, соопштија денеска неговите двајца лидери.
Новите услови на Израел вклучуваат задржување на своите сили во Појасот Газа долж границата со Египет, изјави претставник на Хамас кој сакаше да остане анонимен.
„Нема да прифатиме ништо помалку од целосен прекин на огнот, целосно повлекување на израелските војници од Појасот Газа и враќање на раселените“, додаде тој.
Хамас не учествува на разговорите во Доха, на кои се собраа египетските и катарските претставници и шефовите на американското и израелското разузнавање.