Хакери упаднале во компјутерски системи на американски владин сајт и се здобиле со социјални броеви на 18 милиони Американци, јавуваат американски медиуми.
Владата смета дека станува збор за два случаја на упад во системи на Службата за управување со кадри на САД. ФБИ сметаат дека зад нападот се хакери од Кина.
Тие успеале не само да се здобијат со броевите од социјалното осигурување туку и со тајни податоци.
Комапнијата Рикордед фјучр открила дека на интернет се објавени имиња и лозинки на 47 владини агенции на САД, достапни до хакери, шпиони и криминалци.
Според таа компанија финансирана од ЦИА, 12 од агенциите не бараат дополнителни проверки освен лозинка за влез во системот. Податоците се поврзани со министерствата за одбрана, правда, финансии, енергетика, ЦИА и Директорот на националното разузнавање.