Еден швајцарски државјанин и група од пет француски туристи се уапсени откако британска тинејџерка наводно била групно силувана во туристичкото место Магалуф.
Судијата во главниот град Палма откри дека има видеа од наводното силување на телефоните на најмалку еден од осомничените, соопшти полицијата.
Жртвата се сретнала со осомничените силувачи во понеделникот вечерта, а подоцна отишла во хотелската соба на еден од осомничените, каде шестмината наводно сексуално ја нападнале, се вели во изјавата на жртвата во полицијата на Мајорка.
Цивилната гарда се појавила во хотелот откако добила телефонски повик од член на хотелското обезбедување кој затекнал млада жена како плаче. Набргу потоа полицијата ги приведе осомничените, сите на возраст над 20 години.
Иако осомничените се во затвор, ниту еден од нив не е официјално обвинет, бидејќи истрагата е во тек. Не се соопштуваат детали за нивниот идентитет или идентитетот на наводната жртва.
Детективите ја прегледале просторијата во која наводно се случил нападот и ги прегледале безбедносните снимки од влезот на хотелот како дел од тековната истрага.
Лекарот ја прегледал жената и наводно открил траги од притисок на нејзините раце, пишува Дејли Мејл.