Германската канцеларка Ангела Меркел ќе биде гостинка на работниот ручек што и го приредува во Елисејската палата францускиот претседател Франсоа Оланд, со грчката и украинската криза на менито, јавува дописникот на МИА од Париз.
По средбата е предвидена заедничка конференција за печатот. Инаку доаѓањето на Ангела Меркел во Париз е во рамките на нејзината турнеја во рамките на подготовките на идниот самит на Г7, кој ќе се одржи од 7 до 8 јуни во Еламу на југот од Германија.
Според извори од Елисејската палата, Грција и Украина ќе бидат главната тема на нивните разговори. Париз и Берлин последниве месеци покажаа голема блискост и средбите меѓу Оланд и Меркел зачестија.
По вчерашниот телефонски разговор меѓу Франсоа Оланд, Ангела Меркел, Владимир Путин и Петро Порошенко тие заедно повикаа да се продолжи со спроведуњето на договорот од Минск и покрај непочитувањето на прекинот на огнот.