Грција преговара со Русија за купување на ракетните комплекси „С-300“ и техничките спецификации за нивното одржување, соошти грчкиот сајт њуз.ин, повикувајќи се на руски медиуми и на изјавата на грчкиот министер за одбрана Панос Каменос, кој се наоѓа во посета на Москва.
-Ќе се ограничиме на замената на ракетите, рече Каменос, пренесува БТА.
Според руските медиуми, Русија и Грција водат преговори за одржувањето на овие ракетни комплекси, како и за купување на нови ракети „С-300“, дополни тој.
Панос Каменос прецизира дека разговорите се однесуваат само на поддршката и техничкото опслужување на овие ракетни комплекси, што се наоѓаат во вооружувањето на грчката армија.
– Изјавите беа доволно јасни, рече Каменос за грчката агенција АНА-МПА и додаде дека „Грција со Русија разгледува само прашања поврзани со техничката поддршка и замената на ракетите, чија употребна вредност е измината, за постојните комплекси на националната воздушна одбрана, меѓу кои се и комплексите „С-300“, додека се друго се приказни од научната фантастика“.