Германски борбени авиони пресретнале руски извидувачки авион над Балтичкото Море додека се приближувал до германскиот воздушен простор, јавија локалните медиуми, пренесува агенцијата Анадолија.
– Руски шпионски авион во саботата беше идентификуван во меѓународниот воздушен простор во близина на германскиот остров Руген во Балтичкото Море, што предизвика тревога во германското воено воздухопловство, пишува весникот „Билд“.
Како резултат на тоа, два „Јурофајтерс“ полетаа од воздухопловната база „Лаге“ во североисточната покраина Мекленбург-Западна Померанија за да придружуваат руски авион подалеку од германскиот воздушен простор.
Инцидентот се случил по руското нарушување на шведскиот и данскиот воздушен простор, што наводно се случило во петокот.
– Рускиот авион АН-30 го нарушил шведскиот воздушен простор во петокот вечерта, соопшти шведското Министерство за одбрана.
Се додава дека авионот летал источно од Борнхолм, дански остров на Балтикот, пред да се упати кон шведска територија.
Потоа, Данска го повика рускиот амбасадор во Министерството за надворешни работи, потсетува Анадолија.
Извор: МИА