Кабинетот на германската Влада денеска донесе одлука земјата во 2016 година да се кандидира за претседавач со Организацијата за европска безбедност и соработка (ОБСЕ), а шефот на дипломатијата Франк-Валтер Штајнмаер по овој повод оцени дека исконски интерес е оваа организација да се засили, како актер, способен за делување.
– Во наш исконски интерес е ОБСЕ да зајакне како форма за дијалог меѓу истокот и западот, како оперативен инструмент за европска превенција од кризи и како актер кој конкретно делува, рече Штајнмаер.
Како што соопшти Министерството за надворешни работи на Германија, Штајнмаер оцени дека ОБСЕ во украинската криза покажа колку оваа организација е важна за вкупниот европски мировен поредок и се заложи за зајакнување на организацијата.
Штајнмаер наведе дека тоа претпоставува земјите членки на ОБСЕ да се изјаснат за ангажманот и да ја преземат одговорноста.
-Ние тоа го поддржуваме со својата подготвеност во 2016 година да го преземеме претседавањето, рече Штајнмаер.