По само неколку дена од почетокот на новата учебна година, во некои германски покраини училиштата се борат со тужби на суд поради обврската за носење заштитни маски за време на часовите.
Вишиот управен суд во Минстер доби неколку тужби во кои се оспорува обврската за носење маски за сите ученици и вработени во германските школи.
Семејство од Еускирхен во Рајнланд сака да добие мислење на судот во забрзана постапка дали мерката донесена од провинцијата Северна Рајна Вестфалија е во согласност со законот.
Високиот суд исто така доби жалба поднесена до судот во Дизелдорф од ученик од Нететал, кој сака укинување на обврската за носење маски за време на часовите.
Според портпаролот на Високиот суд, се уште не е познато кога судот ќе донесе одлука.