Во падот на мал авион во поле во Св. Аугустин во близина на Бон, во германската покраина Северна Рајна-Вестфалија, загина 51-годишен пилот, јавува Kleine Zeitung.
Несреќата ја преживеала неговата шестгодишна ќерка. Според полицијата, тешко повреденото девојче успеала да се извлече од запалените остатоци. Прва помош и била пружена од случајни минувачи, а потоа со хеликоптер била пренесена во болница. Според првичните информации, нејзиниот живот не е во опасност.
Авионот се урна доцна попладне, веднаш по полетувањето од аеродромот Хангелар, од засега непознати причини. Потоа избувнал пожар, соопшти полицијата. Кога на местото на несреќата пристигнале првите служби за итна помош, авионот веќе бил целосно зафатен од пламен. Пламените јазици брзо биле изгаснати, изјави портпаролот на полицијата. За 51-годишниот пилот од Келн, помошта дошла предоцна.
