Германија итно ќе го разгледува барањето на Полска да и се дозволи извоз на тенкови во Украина

Од:

Германската Влада најитно ќе се ангажира за барањето на Полска да и се дозволи на Варшава да извезува тенкови „Леопард“ во Украина, изјави денеска државниот секретар во Министерството за економија Свен Гиголд.

„Можам само да ви кажам: Итно ќе работиме за да донесеме одлука“, рече Гиголд на конференцијата за одбрана во Берлин организирана од „Handelsblatt“.

Претходно денеска Германија го доби официјалното барање на Полска за повторен извоз на тенкови „Леопард“ во Украина, објави полскиот министер за одбрана Мариуш Блашчак.

Висок функционер во Министерството за надворешни работи, Тобијас Линднер изјави дека конечната одлука дали Германија ќе испрати тенкови „Леопард“ во Украина или ќе им дозволи на други земји ќе биде донесена со консензус на Владата во Берлин.

„Верувам дека ви е добро познат ставот на мојата министерка во оваа дебата“, додаде тој, мислејќи се на изјавата на министерката за надворешни работи Анален Бербок, која во неделата објави дека Германија нема да застане на патот на другите земји кои испраќаат тенкови „Леопард“ во Киев.

Извор: МИА

Би можело да ве интересира

Oблачно со услови за дожд

Здружението „Лесја Украинка“ со марш во центарот на Скопје ја опдбележа третата годишнина од руската инвазија врз Украина

Ден по историските избори во Германија, ЦДУ може да формира влада со СПД

ВИДЕО: „Три години херојски отпор“, Зеленски објави порака на годишнината од војната

ВИДЕО: Нападната рафинерија во Русија, предизвикан пожар

Русија не ја прифаќа идејата на САД за брз прекин на војната