Германија и Швајцарија апсеа членови и поддржувачи на „Исламска држава“

Од:

Во заедничка операција во Германија и во Швајцарија беа уапсени наводни членови и поддржувачи на терористичката организација „Исламска држава“.

Три лица се приведени синоќа во Швајцарија во кантоните Цирих, Сент Гален и Луцерн, информираше швајцарското Обвинителство, откако властите извршиле седум претреси.

Тие се осомничени дека се членови или поддржувачи на забранетата терористичка организација „Исламска држава“, соопштија властите.

Едно лице е уапсено во германскиот град Ремерберг, соопшти германското федерално Обвинителство.

Уапсениот Алем Н. е осомничен за „подготвување акт на насилство, што може да ја загрози безбедноста на државата, а исто така и дека е член на странска терористичка организација“, се наведува во соопштението.

Наводно, тој отишол на кратко во Сирија во септември 2020 година, а потоа, „најдоцна во април 2021 година, повторно отишол во Германија, каде станал член на „Исламска држава““.

„Основната задача му била да преведува официјални текстови, видеоклипови и аудио соопштенија на „Исламска држава“, од арапски на германски јазик и да ги дистрибуира преку различни канали на апликацијата за комуникација Телеграм во германското говорно подрачје“, се појаснува во соопштението.

Би можело да ве интересира

Германскиот канцелар во телефонски разговор со Ердоган вети поголема помош за Турција

Ана Ололовска

Штајнмаер вели дека германската демократија мора да се направи поотпорна

Ана Ололовска

Поранешен германски фудбалер станал двоен агент, шпиунирал за Русија

Норвешка ќе нарача 54 тенкови Леопард од Германија

Ана Ололовска

Штрајк на вработените во компанијата „Кока-Кола“ во Германија

Ана Ололовска

Путин: Ни се закануваат со леопарди, но ние ќе им донесеме нешто повеќе од тенкови

Предраг Петровиќ