Германија вчера упати апел до своите граѓани веднаш да ги напуштат нестабилните региони во Ирак, вклучително и главниот град Багдад.
Берлин предупредува дека пред се треба да се напуштат ирачките провинции Анбар, Ниневија и Салах ал Дин, како и Багдад. Германските власти изразија загриженост и поради ситуацијата во провинциите Дијала и Киркук.
Шефот на германската дипломатија Франк-Валтер Штајнмајер истакна дека настаните во Ирак претсатвуваат драматчно влошување на ситуацијата.
– Ситуацијата е алармантна бидејќи борбите се закана не само за Ирак, туку и за целиот регион, кој е дисбалансиран од војната во Сирија, посочи Штајмајер.