Едно лице загина во пожар во болница во градот Уелзен, на околу 100 километри јужно од Хамбург, во северната германска покраина Долна Саксонија.
Повредени се уште 22 лица, од кои шест потешко, соопшти портпаролот на противпожарната служба. Повредите се предизвикани од вдишување чад и изгореници. Пожарникарите соопштија дека пожарот бил брзо изгаснат.
Пожарникарите рекоа дека службите за итни случаи поставиле собирно место каде се прегледуваат пациентите. Тие потоа беа распоредени во други одделенија во болницата или беа однесени во соседните болници.