Припадниците на Федералната служба за безбедност (ФСБ) на Русија идентификувале и уапсиле двајца украински агенти кои доставувале информации за единиците на руските вооружени сили на украинската страна, соопшти Службата.
„Двајца државјани на Руската Федерација се приведени во Ростов на Дон поради сомнение дека сториле кривично дело според член 275 од Кривичниот законик на Руската Федерација (велепредавство)“, се вели во соопштението.
Според извештаите, тие самите воспоставиле контакт со украинските разузнавачи и добивале пари за пренос на информации.
При извршувањето на задачите на странските разузнавачки служби, обвинетите ја следеле локацијата на воената опрема и персоналот на единиците за специјални воени операции и тие информации му ги пренеле на претставник на украинската разузнавачка служба, пренесува РТ Балкан.