Французите повеќе и веруваат на Европската Унија отколку на својата влада

Од:

Најновото истражување во Франција покажа дека граѓаните имаат повеќе доверба во ЕУ отколку во владата на нивната земја во врска со вакцинацијата против коронавирусот.

„Политико“ пренесува дека истражувањето на агенцијата „Харис интерактив“/„Јурос“ покажува дека дури 52 проценти од испитаниците имаат повеќе доверба во ЕУ, додека 45 проценти рекле дека имаат доверба во француската Влада за вакцинацијата против коронавирусот.

Француската Влада е на удар на критики заради бавниот почеток на кампањата за вакцинација, која заостанува зад повеќето земји на ЕУ.

Истражувањето спроведено од 26 до 28 јануари, на примерок од 1.017 испитаници, покажа дека 80 проценти од испитаниците сметаат дека е подобро процесот на вакцинација да го водат здравствени работници.

Исто така, истражувањето покажа дека дури 69 отсто од граѓаните имаат повеќе доверба во локалните власти, а 63 отсто во Светската здравствена организација.

Воедно, и фармацевтските компании се подобро рангирани меѓу граѓаните отколку владата.

Едно од прашањата во истражувањето е „дали граѓаните се загрижени за кампањата за вакцинација“, на што 77 проценти од нив одговориле дека се плашат.

Би можело да ве интересира

ЕУ: Ги разгледуваме наводите на Израел за “тероризам“ на невладини организации

Ана Ололовска

ЕУ е многу загрижена за воениот удар во Судан

Ана Ололовска

Моравиецки: ЕУ ни впери пиштол в глава

Ана Ололовска

Франција го повикува Иран да се врати на преговорите

Фон дер Лајен: ЕУ нема да финансира „жици и огради“ против мигрантите на границите

А1он

Парли: НАТО ќе има корист од заедничката одбрана на ЕУ

А1он