Во извештајот на француската агенција за проценка на злато и девизни резерви ЦПоР, се наведува дека Французите поседуваат 3.000 тони злато во облик на ковани пари или златни полуги, што претставува финансиска резерва вредна 90 милијарди евра.
Како што пренесе „Фигаро“ сите слоеви на француската популација поседуваат злато, а особено поскромните категории, како што се работниците и административците, кои ја негуваат традицијата на наследување и подарување злато.
Во студијата се наведува дека 66 проценти од Французите, кои поседуваат злато не се одлучуваат на продажба поради високиот данок за негова легализација, односно затоа што данокот на старо злато и накит изнесува 10,5 проценти, додека на останатите видови злато 6,5 проценти.
Е. Г.