Францускиот премиер сака до крај да се бори против така наречениот „french bashing” и тоа јасно го покажа преку својата новогодишна честитка, што беше објавена на Твитер, јави дописникот на МИА од Париз.
Меѓу петанесетте портрети од непознати лица на честитката на крајот се појавува и ликот на премиерот Мануел Валс. Сите ликови го имаат насликано француското знаме на образот. Во средината на честитката е напишана пораката: „Кога сме горди на нешто, тоа го покажуваме“.
Новоогодишните честитики на француските политичари, посебно на министрите, најчесто се одраз на нивната политичка определба, иако често пати знаат и да се пошегуваат самите со себе.